Devabhasha Songs and Shlokas

यत्रैव यत्रैव मनो मदीयम् तत्रैव तत्रैव तव स्वरूपम् ।
यत्रैव यत्रैव शिरो मदीयम् तत्रैव तत्रैव पदद्वयं ते । ।

नमामि नारायणपादपङ्कजम् करोमि नारायणपूजनं सदा ।
वदामि नारायण नाम निर्मलम् । स्मरामि नारायणतत्त्वमव्ययम् ।।

पठ संस्कृतम् पठ संस्कृतम् ।
अतिसुन्दरं मृदुमञ्जुलम् ।। १ ।। पठ संस्कृतम् …

शृणु संस्कृतम् लिख संस्कृतम् ।
जनमानसे चिर-सञ्चितम् ।। २ ।। पठ संस्कृतम्…

वद संस्कृतं मधुरामृतम् ।
सुरवागिति जनवन्दितम् ।। ३ ।। पठ संस्कृतम्…

भज संस्कृतम् रट संस्कृतम् ।
कविकालिदाससुभाषितम् ।। ४ ।। पठ संस्कृतम्…

स्मर संस्कृतम् गुणमण्डितम् ।
शुभदायकं भुवि कीर्तितम् ।। ५ ।। पठ संस्कृतम्…

त्वज्जीवनं पुष्प सुधन्यधन्यं
समर्प्यते यत् प्रभुपादपद्मे ।
मालाश्व ते सङग्रथिता सुरम्या
विभूषयन्ते महतां शिरांसि ।।

शशिना च निशा निशया च शशी ।
शशिना निशया च विभाति नभः ।।

पयसा कमलं कमलेन पयः ।
पयसा कमलेन विभाति सरः ।।

मणिना वलयं वलयेन मणिः ।
मणिना वलयेन विभाति करः ।।

कविना च विभुः विभुना च कविः ।
कविना विभुना च विभाति सभा ।।

काव्यशास्त्रविनोदेन कालो गच्छति धीमताम् ।
व्यसनेन च मूर्खाणां निद्रया कलहेन वा ।।

दानेन पाणिर्न तु कङ्कणेन स्नानेन शुद्धिर्न तु चन्दनेन ।
मानेन तृप्तिर्न तु भोजनेन ज्ञानेन मुक्तिर्न तु मुण्डनेन ।।

एकं दश शतं चैव सहस्रमयुतं तथा ।
लक्षं च नियतं चैव कोटिरर्बुदमेव च ।।

वृन्दं खर्वो निखर्वश्च शङ्खः पद्मश्च सागरः।
अन्त्यं मध्यं परार्धं च दशवृद्ध्या यथाक्रमम्॥

कस्त्वं बाल ! बलानुजः त्वमिह किं मन्मन्दिराशङ्कया
बुद्धं तन्नवनीतकुम्भविवरे हस्तं कथं न्यस्यसि ।
कर्तुं तत्र पिपीलिकापनयनं, सुप्ताः किमुद्बोधिता
बाला, वत्सगतिं विवेक्तुमिति सञ्जल्पन् हरिः पातुः वः।।

रामाभिषेके मदविह्वलाया
हस्ताच्च्युतो हेमघटस्तरुण्याः ।
सोपानमासाद्य करोति शब्दं
ठठं, ठठं ठं ठठठं ठठं ठः ।।

जितधूमसमूहाय जितव्यजनवायवे ।
मशकाय मया कायः सायमारभ्य दीयते ।।

यस्य नास्ति स्वयं प्रज्ञा शास्त्रं तस्य करोति किम् ।
लोचनाभ्यां विहीनस्य दर्पणः किं करिष्यति ।।

अधमाः धनमिच्छन्ति धनं मानं च मध्यमाः ।
उत्तमा मानमिच्छन्ति मानो हि महतां धनम् ।।

जलबिन्दुनिपातेन क्रमशः पूर्यते घटः ।
स हेतुः सर्वविद्यानां धर्मस्य च धनस्य च ।।

सुखार्थी चेत् त्यजेद्विद्यां विद्यार्थी चेत् त्यजेत् सुखम् ।
सुखार्थिनः कुतो विद्या कुतो विद्यार्थिनः सुखम् ।।

एकेनापि सुवृक्षेण पुष्पितेन सुगन्धिना ।
वासितं तद्वनं सर्व सुपुत्रेण कुलं यथा ।।

भारतं भारतं भवतु भारतम्
भारतं भारतं भवतु भारतम् ।
शक्ति ​ सम्भृतं युक्ति सम्भृतंम्
शक्ति-युक्ति सम्भृतं भवतु भारतम् ।।
शस्त्रधारकं शास्त्रधारकम्
शस्त्र-शास्त्रधारकं भवतु भारतम् ।
रीतिसंस्कृतं नीतिसंस्कृतम्
रीति-नीति संस्कृतं भवतु भारतम् ।।
कर्मनैष्ठिकं धर्म नैष्ठिकम्
कर्म- धर्मनैष्ठिकं भवतु भारतम् ।
भुक्तिसाधकं मुक्तिसाधकम्
भुक्ति-मुक्तिसाधकं भवतु भारतम्।।

श्रीधरभास्कर वर्णेकर

ओम् उद्वयं तमसस्परि स्वः पश्यन्त उत्तरम् ।
देवं देवत्रा सूर्यमगन्म ज्योतिरुत्तमम् ।।

ऋग्वेदः, १.५०.१०

ओम् तच्चक्षुर्देवहितं पुरस्तात् शुक्रमुच्चरत् । पभ्येम शरदः शतम् ।
जीवेम शरदः शतम् । शृणुयाम शरदः शतम् ।
प्रब्रवाम शरदः शतम् ।अदीनाः स्याम शरदः शतम् ।
भूयश्च शरदः शतात् ।।

यजुर्वेदः, ३६.२४

न तत्र सूर्यो भाति न चन्द्रतारकं नेमा विद्युतो भान्ति कुतोऽयमग्निः ।
तमेव भान्तमनुभाति सर्वं तस्य भासा सर्वमिदं विभाति ।।

मुण्डकोपनिषद् २. ११

यथा नद्यः स्यन्दमानाः समुद्रेऽस्तं गच्छन्ति नामरूपे विहाय ।
तथा विद्वान् नामरूपाद्विमुक्तः परात्परं पुरुषमुपैति दिव्यम् ।।

मुण्डकोपनिषद्, ३. ८

दुःखेष्वनुद्विग्नमनाः सुखेषु विगतस्पृहः ।
वीतरागभयक्रोधः स्थितधीर्मुनिरुच्यते ।।

श्रीमद्भगवतद्गीता २.५६

यद्यदाचरति श्रेष्ठस्तत्तदेवेतरो जनः ।
स यत्पमाण कुरुते लोकस्तदनुवर्तते ।।

श्रीमद्भगवतद्गीता, ३.२

नरः सर्षपतुल्यानि परछिद्राणि पश्यति ।
आत्मनो बिल्वमात्राणि पश्यन्नपि न पश्यति ।।

भूरिभिर्भारिभिर्भीराभूभारैरभिरेभिरे ।
भेरीरेभिभिरभ्राभैरभीरुभिरिभैरिभा ।।