Devabhasha Songs and Shlokas

असतो मा सद्गमय
तमसो मा ज्योतिर्गमय।
मृत्योर्माऽमृतं गमय ॥

नमस्ते गणपतये। त्वमेव तत्त्वमसि । त्वमेव केवलं कर्तासि । त्वमेव केवलं धर्तासि ।
त्वमेव केवलं हर्तासि । त्वमेव सर्वं खल्विदं ब्रह्मासि ॥

सर्वे भवन्तु सुखिनः सर्वे सन्तु निरामयाः।
सर्वे भद्राणि पश्यन्तु मा कश्चिद् दुःखभाग् भवेत्॥

त्वमेव माता च पिता त्वमेव
त्वमेव बन्धुश्च सखा त्वमेव ।
त्वमेव विद्या द्रविणं त्वमेव
त्वमेव सर्वं मम देव देव ॥

करारविन्देन पदारविन्द मुखारविन्दे विनिवेशयन्तम् ।
वटस्य पत्रस्य पुढे शयानं बाले मुकुन्द मनसा स्मरामि ॥

अधरं मधुरं वदनं मधुरं
नयनं मधुरं हसितं मधुरम् ।
हृदयं मधुरं गमनं मधुरं
मधुराधिपतेरखिलं मधुरम् ॥

या देवी सर्वभूतेषु मातृरूपेण संस्थिता ।
नमस्तस्यै नमस्तस्यै नमस्तस्यै नमो नमः ॥

श्रीराम राम रघुनन्दन राम राम
श्रीराम राम भरताग्रज राम राम ।
श्रीराम राम रणकर्कश राम राम
श्रीराम राम शरणं भव राम राम ॥

शृणुत संस्कृतम्
दिव्यसंस्कृतम् ।
वदत संस्कृतम्
मधुरसंस्कृतम् ॥
पठत संस्कृतम्
सरससंस्कृतम् ।
लिखत संस्कृतम्
सुन्दराक्षरम् ॥

मम कर्णद्वयम् मम नेत्रद्वयम् ।
मम मस्तकम् मम नासिका ॥
मम स्कन्धः मम ग्रीवा हृदयम् ।
मम पृष्ठम् मम मुखम् नखम् ॥

एहि एहि चन्दिर
श्वेतकिरण सुन्दर ।
नीलगगनमन्दिर
सकलजनमनोहर ।।

कियती तन्वी कियती सरला
कियती लघ्वी कियद् दुर्बला ।
पिपीलिका सा कियती ह्रस्वा
पिपीलिका सा कियती ह्रस्वा ॥

अयं घोटकः श्वेतघोटकः
चलति टबक टबक मम प्रियः घोटकः ॥
खादति घासं धावति शीघ्रं
स्वपिति हि स्वल्पं मम प्रियः घोटकः ॥
स्थूलं पुच्छं चिक्कण पृष्ठं
सुखयति सततं मम प्रियः घोटकः ॥

वीरबालकाः वयम्
वीरबालकाः वयम् ॥
सागरं समुत्तरेम
गगनतले उत्पतेम
वीरबालकाः वयम् ॥१।।
भूतले पर्वते उत्सवे संग्रामे
सर्वतो वयं जयेम
वीरबालकाः वयम् ॥ २ ॥
निर्भया सदा भवेम
नो कदापि वित्रसेम
वीरबालकाः वयम् ॥

परोपकाराय फलन्ति वृक्षाः, परोपकाराय वहन्ति नद्यः ।
परोपकाराय दुहन्ति गावः परोपकारार्थमिदं शरीरम् ॥

उदयति सूर्यः रजनी याति ।
विकसति पुष्पं पवनो वाति ॥
प्रसरति गन्धः गुञ्जति भृङ्गः ।
उदयाकाशे अभिनवरङ्गः॥